13 лютага ў рамках праекта "Кожная пятніца- роднае сваё" прайшла інтэрактыўная гульня-віктарына "Беларускія прадукты - наш гарачы выбар". Падчас віктарыны вучні "наведвалі" розныя рэгіёны Беларусі, адказваючы на пытанні, звязаныя з мясцовымі прадуктамі. Ад Брэстчыны, вядомай сваімі сырамі, да Гродзеншчыны з яе мяснымі традыцыямі, ад Віцебшчыны з яе грэчкай да Магілёўшчыны, якая славіцца бульбай - кожны рэгіён быў прадстаўлены сваімі ўнікальнымі прадуктамі. Асаблівая ўвага была нададзена салодкім скарбам Гомеля і сталічнаму выбору Мінска, дзе былі прадстаўлены цукеркі, шакалад і, вядома ж, якасны беларускі хлеб.
Акрамя пытанняў, вучням былі прапанаваны цікавыя факты пра кожны прадукт, што дазволіла ім лепш зразумець яго карысць і значэнне.
Мерапрыемства прайшло ў цёплай і дружалюбнай атмасферы, пакінуўшы ў вучняў станоўчыя ўражанні і жаданне далейшага вывучэння багацця беларускай прадукцыі.
